رجعت المدونه تانى

بعد ضياع الباسورد من اربع سنين تم بحمد الله استعادتة من هارد دسيك دماغى بعد ما عملت فورمات 
yasooo

ثقافة شعب

اغانى بيئه

اوعا يجى فى بالك البرنس شعبان عبد الرحيم صاحب اغنيه بحب الحمار

او المعلم عب باسط حموده صاحب الاغنيه الشهيرة انا مش عارفنى

ولا احمد عدويه بتاع قرقشندى دبح كبشه

(اغنيه شهيرة فى السبعينات عملت انقلاب فى عالم الديجيهات وقتها)

مش بتكلم عن دول يا صديقى انا بتكلم عن ناس بيئه اخر حاجه

هديك مثال ما تستعجلش

خد عندك ديه رجب البرنس صاحب اغنيه تربيزه ودومينو

دوس على اسم الاغنيه لو عايز يحصلك حاجه وتسمعها

والمعلم اللى حط حجرين على الشيشه

واسمه اللى هيوصله للعالمية اشرف هوبا ايوه هوبا فى حاجه يا زميل

وهو حط حتتين حشيش لامؤاخذه يعنى اغنية تحبس اللى بيغنيها واللى بيسمعها

وسياتك هو بيقول فيها النشيد الاتى

(وشربت حجرين على الشيشه مع توتو

والسبع وويشا وخادنى جعران والكابتن ورحنا عند احمد فيشه )

وبعد كده ندخل على الزغلول الكبير

عبود واغنية حموكش فى اللموكش

اه والله اسمها كده وهو بيحكى عن مغامرة السيد المبجل حموكشه

وبتقول ايه يا معلمين

يا اللى انت غاوى الحشيش لا تكون حسيس لابلاش

البانجو ما تشربوش لو حتى كان ببلاش

حموكش فى اللموكش

عامله مهرجان وبارم خابور لوحده

ويشده فى بطرمان

يشد من مناخيروه

ويكتم الدخان

نزله خمسه بيره حموكشه بقا سكران

هى ديه الاغانى ولا بلاش

انا على طول حاططها فى الام بى ثرى بتاعى

ممكن تخرجك من اى حوار فى دنيتك وديه

نصيحتى بطل تسمع عمرو دياب

ونانسى وتمور الامور ومنير ومنيب وفيروز

احنا دلوقتى فى زمن المسخ

والان اترككم مع نجم النجوم وتوزيع جديد

اغنية الكسكسى

ما بحبش الكسكسى ابدا بقالى سنين تقيل على معدتى وكله كله عجين

وانا متهيالى انه مش قصده الكسكسى اللى بيتاكل

الدنيا خربانة

احب عيشه الحرية

سالت صديقى ما هى الحريه ؟
فلم يجبنى

ذهبت الى اخر

وسالته ما الحرية؟
فاحتار وزم شفتيه جهلا

ذهبت الى امى وابى واخى
وقلت لهم انى فى مشكله
ما الحريه؟
جست امى جبينى واتصل ابى بالطبيب وابتسم اخى من جنونى
طبعت اعلانا فى الجريده من ياتينى بمعنى الحريه؟
فله مكافاه

فلم اتلقى اتصال من احد

دق الباب فى الفجر
فتح ابى
هو انت اللى ابنك عايز يعرف معنى الحريه؟
اخذونى
وكان اول ما اخبرونى به
حريه ماتت يا روح امك
وما تجوزش عليها غير الفاتحة

وتحت ضربات مؤخرتى لنعالهم وقفاى لايديهم الرقيقه
اعترفت بجرمى المشهود اننى اريد ان اكون حرا

و عرفت ان
الحريه الم

الحرية تهمة تمشى بيننا بلا قدم
الحريه حق وعدل
الحرية بندقيه عتيقه تنافس اعتى القنابل النوويه
الحرية امل المساكين والفقراء
الحرية دماء تبذل وعيون تدمع
الحريه شمعه مضيئه فى نهاية طريق مظلم
الحرية لا تنتمى لوطن او لشخص او لحاكم
الحرية هى الحلم والامل
الحرية لا تعطى كهبة بل تؤخذ عنوة

الموت

انه الموت يا سيدى من فرط ما يوهم الانسان نفسه ببشاعته

لا يتمناه ويفاجأه كل مره مع انه من

الحقائق السهله

البسيطه انه تحرر من كل هموم الجسد

وكل قيود الحياه المؤلمه المتعبه

انه الموت ببراءته بنهاياته الغريبه المفزعه المؤلمه

هل يوجد اجمل من الموت

هل يوجد حقيقه واحده فى حياتناغير الموت

الحب الاهل الاصدقاء المال الولد كلها قد تكون زائفه خادعه

ولكن الموت

بصدقه بصرامته واضح ناصع انيق فى اختيار طريقته يتبدل بشكل مذهل كل مره

نعم يا سيدى اتغزل فى الموت هل رايت احدا قبلى يتغزل فى الموت

الكل يفعلها مع صديقته مع حبيبته مع زوجته اما انا فاعرف حقيقته سهل هين لين

لا تعتبرنى احمقا يا سيدى انظر الى حياتك فستجد بها حقائق معدوده محدوده

الله ...... ثم الموت

نعم انها حقيقتان لا مجال لانكارهما الا اذا كنت زنديق يا سيدى ساعتها

ستنكر الله ولكنك لن تستطيع ان تنكر الموت ولا احد يستطيع

فهو التطور الطبيعى للحياه

r5

هذا الموضوع غير مناسب للمتصفحين المحافظين او من هم دون 21 سنه لما يحتوى على ايحاءات قد لا تكون مناسبة لهم

ضع مكان النقط ما تريد من كلمات بشرط تكون كلمة واحده تتكون من مقطعين

(الريس**** )

(جمال مبارك**** )

(سوزان مبارك**** )

(كمال الشاذلى****)

(صفوت الشريف****)

(احمد عز****)

(العادلى****)

(الفقى****)

(يوسف والى****)

(غالى**** )

(الحكومة****)

( اسرائيل****)

(امريكا****)

مملكه النساء

اتحـــــــــــبها

ستحاول بكل ما اوتيت من قوه ان تثبت لك انها ملكك ... وحين تستسلم لها ستطعنك طعنات

خفيفه لا لقتلك ... ولكن لاستفزازك ... ستحاول بكل قوتك الهروب ...الخداع

وحين تصل لمنتهى جبنك ستنقض عليك

لتنهش ما تبقى منك

ستحاول جاهده ان تبرهن لك كم هى بريئه ..نظيفه

كى تشعر انت بكل ما هو سئ فى داخلك كى تقاوم الشر الكامن بك

وحين تنتصر انت على هذا الشرير الذى يحتويه جسدك

ستعلن هى انتصارها الابدى عليك وتكلبشك من اصابعك

وبعدها لن تستطيع الفكاك او الهرب

ستظهر لك اخر مدى لضعفها لتشعرك بمدى قوتك

ولكن حين تنهار حين يغمس كيوبيد اسهمه كلها فى قلبك

ستكون هى تشحذ كل اسلحتها

وكل اوانيها لتعد لك وجبه من قلبك التى انتزعته

منك منذ لحظات دون ان تشعر

ستحاصرك بافكارها بكل مشاعرها بكل دوائرها الانثويه المغريه

حتى تسقط مستطيلك اسيرا لها

حتى تسقط قلاع قلبك المنهك من كل هذه المشاعر المتضاربه

ستحبط كل محاولاتك المستميته لمقاومتها

ستستخدم كل الوسائل لمنعك من محاوله فك حصارها لك

ستظهر لك مخالبها المزينه باللحم الاحمر

ستبرز لك شفاهها التى تقطر دما من اخر ضحيه لها

فانت ...معركتها المصيريه ...التى لابد ان تفوز بها

لتنشأ مملكتها الخاصه

وحينـــــــــــها

ستستحوذ عليك ستستنفذ مواردك ستعزلك عن العالم

لتحقيق رغباتها لن تستطيع ان ترضيها

مهما فعلت

ستبذل جهدك اكثر واكثر

واخيرا ....ستسقط صريعا ... للانهاك .... للمرض ... للموت

وحينها ستنثر التراب على وجهك مع بعض الدمعات الكاذبة

وستذهب .....

عائده حتى تجد ضحية جديده

اريد ان اكون عبدا

اريد ان اكون عبدا

نعم قد تستنكر العنوان .. وهل يريد احد ان يكون عبدا من العبيد

وهل يوجد عبيد فى هذا الزمان .. وان وجد.. من هذا المجنون الذى يريد ان يكون عبدا

لا تستعجل وتتهمنى بالسفه او الجنون

فكلنا عبيد يا سيدى .. نعم لا تستغرب ان حياتك تتمحور حول كونك عبدا

ان اقصى امالك ان تكون عبدا

تولد .. تتنقل فى سنوات الدراسه بدايه من كى جى ون - kg1- اذا كنت محظوظا حتى تنتهى دراستك الجامعية حينها

تبدأ الصراخ والعويل ومطالبه الجميع والبحث عن الوسائط حتى تجد وظيفه

اليست الوظيفه والعمل عباده - عبادة لمن ؟

تبيع مجهودك وافكارك مقابل حفنه من الجنيهات او حتى من الدولارات حتى تسد جوعك شهوتك بالزواج او بالزنا

ما الفرق بين ان تبيع مجهودك وافكارك وعرقك لغيرك وبين الغانيه التى تعرق وتكد فى سبيل الحصول على نفس

الحفنه من الجنيهات

ما الفرق بين كونتا كنتى العبد الشهير وبينك فهو يعمل لكى ياكل ويتزوج ويموت وانت كذلك تريد ان تتزوج

تشترى السكن تؤمن الطعام والملبس والمأوى

وان تفرج طاقتك الجنسيه فى مكانها الطبيعى بعد ان تعبت يدااك

انها العبوديه ياصديقى

كلنا يختارها بأراداته لا تعتبرنى مجنونا فقد قامت الشيوعيه لالعاء الطبقه البرجوازيه وتحرير بروليتاريا او الطبقه

العامله او تحرير العبيد بالمفهوم الاشمل والاصح

واخيرا ولكن المشكله هى ان ماذا تريد انت ان تكون عبد حكومه او عبد قطاع خاص

ابيض واسود

زمان
-----------
مصر كانت ارض الكنانه

ودلوقتى

-----------
مصر اصبحت ارض الكنافه

زمان

-----------

كان اسمها مصر المحروسه

ودلوقتى

-----------

اسمها مصر المحروقه

حرائق فى كل مكان – مجلس الشعب – الشرابيه – حلوان –حريق مكتبه الاسكندريه- الشعب اللى بيتحرق كل شويه

زمان

----------

مصر كانت ارض الفيروز

ودلوقتى

---------

مصر اصبحت ارض الفيروس *سى – وانفلونزا الطيور*

زمان

--------

مصر كانت ام الدنيا

ودلوقتى

--------

الدنيا بقت يتيمه

زمان

--------

مصر كانت بتلعب ضد الكبار ضد هيمنه الاستعمار والدول الكبرى

دلوقتى

--------

مصر بتلعب ضد حزب الله وقناه الجزيره وحماس

زمان

-------

مصر فى القران فرعون – مستبد (عهد سيدنا موسى)
سجن – ظلم (عهد سيدنا يوسف)

ودلوقتى

-------

كل اللى فات (عهد سيدنا الرئيس)

زمان

-------

كانت هناك قصه اسمها اليس فى بلاد العجائب

دلوقتى

-------
اصبحت القصه اليس فى مصر

زمان

-------

مصر كانت ملكيه يحكمها ملك مدى الحياه

دلوقتى

-------

مصر جمهوريه يحكمها رئيس مدى الحياه

perfum بصل

تنزل من سيارتك الحمراء الرياضية وانت ترتدى البدله السوداء الانيقه وترتدى النظاره الشمس ذات الماركه العالميه -carrera - وتتجه ناحيه المطعم الشهير فينظر اليك السيكيورتى بمهابه ولكنك تقف وتعطى ظهرك للمطعم وتتجه مباشره الى الرصيف الثانى حيث تقف عربه الفول الانيقه

ويدور الحوار المعتاد
لو سمحت يا صاحبى واحد فول بالزيت الحار وشويه سلطه عندك مخلل
لا والله
من غير حلفان يا عم مصدقك
طيب وحياه ابوك قطعلى بصلتين وحطلى عليهم شوه دقه
وتضرب يا معلم حتى تنتفخ عيناك
ومالوا النظاره هتخبى كل حاجه تنتهى من طعامك المميت وتتجه الى الرصيف الاولانى ناحيه المطعم الشهير ينظر اليك السيكورتى نظره
تعجب مع ابتسامة ساخرة زينها ذلك الشنب الذى يصلح كسكسوكه لسمير الاسكندرانى فترد له الابتسامه وانت تربت – يعنى تخبط- على بطنك وتشاور له باصبع السبابه تعبيرا عن جوده المحتوى الذى ضربته منذ دقيقه
تذهب الى سيارتك الحمراء الرياضية فتجد الحكومه مكلبشاها
تتصل بصديقك الظابط فينهى لك المشكله فى اقل من ربع ساعه
تنطلق بسيارتك وتذهب لتقابل حبيبتك
وبمجرد ركوبها تتشكك فى نفسك

وتنتظر ان تقول لك كما قيل

لحنظله فى الفيلم التاريخى عن الاسلام – ما هذه الرائحه يا رجل هو انت واكل بصل-

فتباغتها قبل ان تتكلم وتقول لها بصى بقى يا بيبى انا واكل بصل و...
فتبتسم لك وتشعر انها استرخت على مقعد السياره وتقاطعك قبل ان تكمل لتخبرك وهى كمان واكله كشرى بالدقه
لتطلقا انتم الاثنين ذلك الصوت المعروف لاختبار الانفاس – مش الانفاس اللى بالك فيها انا اقصد جمع نفس-
هاااااااااااااااااااااااااااااااااااااااااااااااااااااااااااااااااااااااااااااااااااااااااا
لتنتهى علاقتكم بعد هذا اليوم نتيجه لتعاون قوى الثوم والبصل لانهاء تلك المأساه .