الدنيا خربانة

احب عيشه الحرية

سالت صديقى ما هى الحريه ؟
فلم يجبنى

ذهبت الى اخر

وسالته ما الحرية؟
فاحتار وزم شفتيه جهلا

ذهبت الى امى وابى واخى
وقلت لهم انى فى مشكله
ما الحريه؟
جست امى جبينى واتصل ابى بالطبيب وابتسم اخى من جنونى
طبعت اعلانا فى الجريده من ياتينى بمعنى الحريه؟
فله مكافاه

فلم اتلقى اتصال من احد

دق الباب فى الفجر
فتح ابى
هو انت اللى ابنك عايز يعرف معنى الحريه؟
اخذونى
وكان اول ما اخبرونى به
حريه ماتت يا روح امك
وما تجوزش عليها غير الفاتحة

وتحت ضربات مؤخرتى لنعالهم وقفاى لايديهم الرقيقه
اعترفت بجرمى المشهود اننى اريد ان اكون حرا

و عرفت ان
الحريه الم

الحرية تهمة تمشى بيننا بلا قدم
الحريه حق وعدل
الحرية بندقيه عتيقه تنافس اعتى القنابل النوويه
الحرية امل المساكين والفقراء
الحرية دماء تبذل وعيون تدمع
الحريه شمعه مضيئه فى نهاية طريق مظلم
الحرية لا تنتمى لوطن او لشخص او لحاكم
الحرية هى الحلم والامل
الحرية لا تعطى كهبة بل تؤخذ عنوة

الموت

انه الموت يا سيدى من فرط ما يوهم الانسان نفسه ببشاعته

لا يتمناه ويفاجأه كل مره مع انه من

الحقائق السهله

البسيطه انه تحرر من كل هموم الجسد

وكل قيود الحياه المؤلمه المتعبه

انه الموت ببراءته بنهاياته الغريبه المفزعه المؤلمه

هل يوجد اجمل من الموت

هل يوجد حقيقه واحده فى حياتناغير الموت

الحب الاهل الاصدقاء المال الولد كلها قد تكون زائفه خادعه

ولكن الموت

بصدقه بصرامته واضح ناصع انيق فى اختيار طريقته يتبدل بشكل مذهل كل مره

نعم يا سيدى اتغزل فى الموت هل رايت احدا قبلى يتغزل فى الموت

الكل يفعلها مع صديقته مع حبيبته مع زوجته اما انا فاعرف حقيقته سهل هين لين

لا تعتبرنى احمقا يا سيدى انظر الى حياتك فستجد بها حقائق معدوده محدوده

الله ...... ثم الموت

نعم انها حقيقتان لا مجال لانكارهما الا اذا كنت زنديق يا سيدى ساعتها

ستنكر الله ولكنك لن تستطيع ان تنكر الموت ولا احد يستطيع

فهو التطور الطبيعى للحياه

r5

هذا الموضوع غير مناسب للمتصفحين المحافظين او من هم دون 21 سنه لما يحتوى على ايحاءات قد لا تكون مناسبة لهم

ضع مكان النقط ما تريد من كلمات بشرط تكون كلمة واحده تتكون من مقطعين

(الريس**** )

(جمال مبارك**** )

(سوزان مبارك**** )

(كمال الشاذلى****)

(صفوت الشريف****)

(احمد عز****)

(العادلى****)

(الفقى****)

(يوسف والى****)

(غالى**** )

(الحكومة****)

( اسرائيل****)

(امريكا****)

مملكه النساء

اتحـــــــــــبها

ستحاول بكل ما اوتيت من قوه ان تثبت لك انها ملكك ... وحين تستسلم لها ستطعنك طعنات

خفيفه لا لقتلك ... ولكن لاستفزازك ... ستحاول بكل قوتك الهروب ...الخداع

وحين تصل لمنتهى جبنك ستنقض عليك

لتنهش ما تبقى منك

ستحاول جاهده ان تبرهن لك كم هى بريئه ..نظيفه

كى تشعر انت بكل ما هو سئ فى داخلك كى تقاوم الشر الكامن بك

وحين تنتصر انت على هذا الشرير الذى يحتويه جسدك

ستعلن هى انتصارها الابدى عليك وتكلبشك من اصابعك

وبعدها لن تستطيع الفكاك او الهرب

ستظهر لك اخر مدى لضعفها لتشعرك بمدى قوتك

ولكن حين تنهار حين يغمس كيوبيد اسهمه كلها فى قلبك

ستكون هى تشحذ كل اسلحتها

وكل اوانيها لتعد لك وجبه من قلبك التى انتزعته

منك منذ لحظات دون ان تشعر

ستحاصرك بافكارها بكل مشاعرها بكل دوائرها الانثويه المغريه

حتى تسقط مستطيلك اسيرا لها

حتى تسقط قلاع قلبك المنهك من كل هذه المشاعر المتضاربه

ستحبط كل محاولاتك المستميته لمقاومتها

ستستخدم كل الوسائل لمنعك من محاوله فك حصارها لك

ستظهر لك مخالبها المزينه باللحم الاحمر

ستبرز لك شفاهها التى تقطر دما من اخر ضحيه لها

فانت ...معركتها المصيريه ...التى لابد ان تفوز بها

لتنشأ مملكتها الخاصه

وحينـــــــــــها

ستستحوذ عليك ستستنفذ مواردك ستعزلك عن العالم

لتحقيق رغباتها لن تستطيع ان ترضيها

مهما فعلت

ستبذل جهدك اكثر واكثر

واخيرا ....ستسقط صريعا ... للانهاك .... للمرض ... للموت

وحينها ستنثر التراب على وجهك مع بعض الدمعات الكاذبة

وستذهب .....

عائده حتى تجد ضحية جديده

اريد ان اكون عبدا

اريد ان اكون عبدا

نعم قد تستنكر العنوان .. وهل يريد احد ان يكون عبدا من العبيد

وهل يوجد عبيد فى هذا الزمان .. وان وجد.. من هذا المجنون الذى يريد ان يكون عبدا

لا تستعجل وتتهمنى بالسفه او الجنون

فكلنا عبيد يا سيدى .. نعم لا تستغرب ان حياتك تتمحور حول كونك عبدا

ان اقصى امالك ان تكون عبدا

تولد .. تتنقل فى سنوات الدراسه بدايه من كى جى ون - kg1- اذا كنت محظوظا حتى تنتهى دراستك الجامعية حينها

تبدأ الصراخ والعويل ومطالبه الجميع والبحث عن الوسائط حتى تجد وظيفه

اليست الوظيفه والعمل عباده - عبادة لمن ؟

تبيع مجهودك وافكارك مقابل حفنه من الجنيهات او حتى من الدولارات حتى تسد جوعك شهوتك بالزواج او بالزنا

ما الفرق بين ان تبيع مجهودك وافكارك وعرقك لغيرك وبين الغانيه التى تعرق وتكد فى سبيل الحصول على نفس

الحفنه من الجنيهات

ما الفرق بين كونتا كنتى العبد الشهير وبينك فهو يعمل لكى ياكل ويتزوج ويموت وانت كذلك تريد ان تتزوج

تشترى السكن تؤمن الطعام والملبس والمأوى

وان تفرج طاقتك الجنسيه فى مكانها الطبيعى بعد ان تعبت يدااك

انها العبوديه ياصديقى

كلنا يختارها بأراداته لا تعتبرنى مجنونا فقد قامت الشيوعيه لالعاء الطبقه البرجوازيه وتحرير بروليتاريا او الطبقه

العامله او تحرير العبيد بالمفهوم الاشمل والاصح

واخيرا ولكن المشكله هى ان ماذا تريد انت ان تكون عبد حكومه او عبد قطاع خاص

ابيض واسود

زمان
-----------
مصر كانت ارض الكنانه

ودلوقتى

-----------
مصر اصبحت ارض الكنافه

زمان

-----------

كان اسمها مصر المحروسه

ودلوقتى

-----------

اسمها مصر المحروقه

حرائق فى كل مكان – مجلس الشعب – الشرابيه – حلوان –حريق مكتبه الاسكندريه- الشعب اللى بيتحرق كل شويه

زمان

----------

مصر كانت ارض الفيروز

ودلوقتى

---------

مصر اصبحت ارض الفيروس *سى – وانفلونزا الطيور*

زمان

--------

مصر كانت ام الدنيا

ودلوقتى

--------

الدنيا بقت يتيمه

زمان

--------

مصر كانت بتلعب ضد الكبار ضد هيمنه الاستعمار والدول الكبرى

دلوقتى

--------

مصر بتلعب ضد حزب الله وقناه الجزيره وحماس

زمان

-------

مصر فى القران فرعون – مستبد (عهد سيدنا موسى)
سجن – ظلم (عهد سيدنا يوسف)

ودلوقتى

-------

كل اللى فات (عهد سيدنا الرئيس)

زمان

-------

كانت هناك قصه اسمها اليس فى بلاد العجائب

دلوقتى

-------
اصبحت القصه اليس فى مصر

زمان

-------

مصر كانت ملكيه يحكمها ملك مدى الحياه

دلوقتى

-------

مصر جمهوريه يحكمها رئيس مدى الحياه

perfum بصل

تنزل من سيارتك الحمراء الرياضية وانت ترتدى البدله السوداء الانيقه وترتدى النظاره الشمس ذات الماركه العالميه -carrera - وتتجه ناحيه المطعم الشهير فينظر اليك السيكيورتى بمهابه ولكنك تقف وتعطى ظهرك للمطعم وتتجه مباشره الى الرصيف الثانى حيث تقف عربه الفول الانيقه

ويدور الحوار المعتاد
لو سمحت يا صاحبى واحد فول بالزيت الحار وشويه سلطه عندك مخلل
لا والله
من غير حلفان يا عم مصدقك
طيب وحياه ابوك قطعلى بصلتين وحطلى عليهم شوه دقه
وتضرب يا معلم حتى تنتفخ عيناك
ومالوا النظاره هتخبى كل حاجه تنتهى من طعامك المميت وتتجه الى الرصيف الاولانى ناحيه المطعم الشهير ينظر اليك السيكورتى نظره
تعجب مع ابتسامة ساخرة زينها ذلك الشنب الذى يصلح كسكسوكه لسمير الاسكندرانى فترد له الابتسامه وانت تربت – يعنى تخبط- على بطنك وتشاور له باصبع السبابه تعبيرا عن جوده المحتوى الذى ضربته منذ دقيقه
تذهب الى سيارتك الحمراء الرياضية فتجد الحكومه مكلبشاها
تتصل بصديقك الظابط فينهى لك المشكله فى اقل من ربع ساعه
تنطلق بسيارتك وتذهب لتقابل حبيبتك
وبمجرد ركوبها تتشكك فى نفسك

وتنتظر ان تقول لك كما قيل

لحنظله فى الفيلم التاريخى عن الاسلام – ما هذه الرائحه يا رجل هو انت واكل بصل-

فتباغتها قبل ان تتكلم وتقول لها بصى بقى يا بيبى انا واكل بصل و...
فتبتسم لك وتشعر انها استرخت على مقعد السياره وتقاطعك قبل ان تكمل لتخبرك وهى كمان واكله كشرى بالدقه
لتطلقا انتم الاثنين ذلك الصوت المعروف لاختبار الانفاس – مش الانفاس اللى بالك فيها انا اقصد جمع نفس-
هاااااااااااااااااااااااااااااااااااااااااااااااااااااااااااااااااااااااااااااااااااااااااا
لتنتهى علاقتكم بعد هذا اليوم نتيجه لتعاون قوى الثوم والبصل لانهاء تلك المأساه .

خواطر

بحاول اجاوب على الاسئله ديه بس الاسئله ديه مش مجننانى زى المره اللى فاتت والحمد لله لانى انا اصلا مجنون مش محتاج حاجه تجننى مجنون فى زمن الجنون عادى جدا بسقبل الاسئله اسمع القصه ق بتاعه باولو كويلهو اللى كتبها فى قصه

-فيرونيكا تقرر ان تموت- بيقول ايه بقى مستر باولو باختصار-كان فى ساحر عايز يدمر مملكه كامله فراح حاطط جرعه سحريه فى البير اللى بيشرب منه السكان
وكل اللى هيشرب هيتجنن
كل السكان شربوا واتجننوا الا الملك وعائلته ما شربوش عشان عندهم بئر لوحدهم مش ملك بقى.
قلق الملك واصدر اوامر عشان يشوف حل لمشكله الناس .
لكن للاسف الشرطه والوزرا والناس كله شرب واتجنن.
وقالو ان الملك مجنون عشان يامر بالاوامر ديه ويحاول يحافظ على صحتنا بالشكل ده.
فعملوا مظاهرة على سلم النقابه .
ومشيوا عشان يخلعوا الملك .
وفى ياس الملك قرر انه يتنازل عن العرش .
لكن الملكه قالتلوا طيب ما نشرب من البير اللى ناس شربت منه
وكده هنتجنن زيهم
وفعلا شربوا وطلع الملك يخطب فيهم
وبدء الملك يهلفط فى الكلام.
بقى مجنون
وعلى طول يا معلم المواطنين تابوا وقرروا تثبيت الملك على العرش لانه يملك من الحكمه مالا يمتلكه غيرة -

والان هيا بنا نلعب اقصد نبدأ الاسئله

اختار الاجابه الصحيحه (اجبارى ) يعنى عافيه هتجاوب هتجاوب

ما هى اغرب اغنية سمعتها؟
دوللى شاهين- لازم يوقف عشان انا جيت
تامر حسنى -الله عليك وانتا واقف بين ايديا
عمرو دياب البلهارسيا - للاستماع اضغط على كلمه بلهارسيا
محمد منير- يحيا المقاولون

ما هى افضل جمله قالها ممثل فى فيلم مصرى؟
انا خلاص كبرت وما حلتيش غير دولار- غسان مطر

حمرا - احمد حلمى

احنا مش هنروح كاس العالم كاس العالم هو اللى هيجلنا وفى تاكسى كمان -لاعيبه المنتخب المصرى- بوشكاش سابقا

ما هى الاغنية المفضله للشعب المصرى ؟
اه ونص- الست نانسى عجرم
بوس الواوا -الانسة هيفا
واوا اح - المدام دومنيك حورانى

من هى المطربه المفضله ؟
روبى - مطربه العجله

بوسى سمير - مطربه السطوح
نجلا - مطربة الحصان

ازاى تعرف انك فى مصر؟
اذا لقيت واحد عمال يخطب فى التلفزيون وقدامه مكتوب - فكر جديد - ولما ابوه يخطب تلاقى مكتوب - فكر مستعمل

- لما تلاقى عربيه مكتوب عليها- المجروحين يمسكوا يمين- - هتنزل فى قانون المرور الجديد

عندما تشاهد نص البرقيه اللى بيبعتها الرئيس بعد الماتش للاعيبه لما يفوزوا - طيب مش تبعتلهم تعزيه لما يتغلبوا

ما هو الشئ الذى قدمته مصر للعالم؟
تطبيق قانون الطوارئ لمده تزيد عن ربع قرن وداخلين فى الربع التانى بعون الله

الموطن الرئيسى لانفلونزا الطيور - واييييييييييييييييييييي
رئيس حزب ما زال يرتدى الطربوش

كيف انتقال السلطه خلفا للرئيس؟
التوريث بشكل مباشر عينى عينك واللى ما يشترى يتفرج

التوريث بشكل غير مباشر - مسجل - عن طريق الانتخابات المزوره

التوريث باى طريقه المهم ضناى يمسك

مصر لم تتاثر بالازمة الاقتصاديه العالميه لاحد الاسباب الاتيه
احنا ما عندناش اقتصاد من اساسه عشان يتاثر

قالك ضربو الاعور على عينوقال هى خربانه خربانه
ولا عشان ده ميعاد تقديم الاقرارات الضريبه وما حدش يتلكك -هتدفع- ب منطقه حميمه عند الام يعتبرها البعض شتيمه- يعنى هتدفع-

هل تعتقد ان باراك اوباما؟
اسود لكن قلبه ابيض

هيورينا ايام سوده زى قرن الخروب

هيسود عيشتنا وعيشه اللى خلفونا

تجربه منتحر - سابقا

تجربه منتحر - سابقا

****************

خلاص لازم اخلص منها دلوقتى

ده كلامى لنفسى وانا راجع من قاعده مزاج صاخبة ممتعه مؤلمة

يا الله كم اشعر انى اشتاق ان اسجد واتعبد الى الله فى مثل هذه اللقاءات

مع كل هذا المجون الذى حولى اتذكر الاخرة والنار والصلاه

وفى عز ما انا بصلى الجمعه والخطيب يبح صوته من التحذير من النار

تاخذنى نفسى الى احدى سهراتى الماجنه لاتذكر نهد انثى او سيجاره يتلولو منها دخانها المائل الى الزرقه

لا لا لا اتذكر شيئا الان كل ما اتذكره الان انى اريد ان اتخلص من حياتى

ذهبت للبيت دخلت غرفتى مددت يدى فى شنطه مليئه بالادويه

اخرجت شريط من الحبات لا اعرف ما هو

وما يضرينى لما ياخذ طالما سياخذ حياتى

ضربت الشريط كله مثل اى عبيط يريد ان يتخلص من حياته

سندت ظهرى على السرير التقت ورقه كتبت بها

(game over.................................. I lose)

لقد بدات اشعر بثقل فى اجفانى ورعشه فى يدى وانفاسى اصبحت بطيئه وثقيله

انها النهايه انا خلاص اقترب من النهايه لا بل

انا انتهيت

انهيت الماساه الفظيعه والجرم البشرى الذى ارتكبه ابى وامى بانجابى لهذه الحياه

تخلصت من عذابى ونذالتى مع حبيبتى

تخلصت من كل هذا الشقاء الذى اقراه فى جريده الدستور كل يوم واراه فى عيون المدونات الحزينه التى اتصفحها واتابعها منذ سنين

تخلصت من مديرى الشرير فى العمل تخلصت من العمل نفسه

تخلصت من جسدى وعقلى المنهك من كثرة التفكير

تخلصت من كل شئ

واستغرقت فى موت عميق

نعم ما اجمل ان تستغرق فى الموت ولا يزعجك احد

ويوقظك وانت يمر امام عينيك شريط فيديو حياتك منذ ان ولدت حتى الان حتى الموت

كلنا يخاف من الموت ولكنه ليس بمثل هذه البشاعه

ولكنه يغلف نفسه بغلاف زائف بشع حتى لا يطلبه الناس ويتصارعون عليه

بل يريد منا الموت ان نخاف منه ونبتعد عنه حتى نقضى فتره عقوبتنا او حياتنا ولا نطلبه

فهؤلاء يموتون غرقا فى العبارات

وهذا يموت دهسا تحت عجلات قطار

وهذا تصدمه ترله مسرعه سائقها سكران او نائم من فرط الانهاك من العمل ومن المخدر الذى يتعاطاه

وهذا يقتل نفسه برصاصه فى راسه فيتحول الراس الى اشلاء

وهؤلاء يسقط عليهم اطنان من الفسفور الابيض فيتفحمون

وهذا يسقط من الدور العشرين فينفجر جسده الى قطع صغيرة لا ترى بالعين المجرده

ولكن ما الفرق بين الميتات السابقه وبين من يموت على سريره

كله نفس الاحساس لا يوجد فرق انه الموت فقط

ولكن تتعدد الوسائل والاساليب

كى لا نشعر بالملل

وكى نشعر بنفس المفاجاه كل مره اذا علمنا ان احدا نعرفه قد مات

فنسال السؤال المعتاد والغريب مات ازاى ؟

مات زى ما كل الناس بتموت ليس المهم الطريقه ولكن المهم الحدث
امى فى الصباح تهزنى كى استيقظ لا اشعر بها ولكنى احس انها توقظنى

اتركينى فى موتى

تهزنى تنزعج من عدم ردى تضع اذنها على صدرى

اماه لقد انتهيت لا تحاولى اراها تجرى الى غرفه اخى

اخى ياتى مسرعا يهزنى هزا عنيفا تكاد الدمعه تفلت من عينيه لقد ظن انه فقد الاخ الصديق

الذى طالما عذبه حتى اقنعه ذات يوم انه شيطان فى صوره انسان ولكنه لا يتذكر فقط متى تحول الى انسان

ينظر بجانبى يرى شريط الحبوب

يبتسم

استغرب ما يحدث فانا احس بكل شئ ولا اشعر بشئ

هل هذا هو الموت ان تشعر بكل شئ ولا تستطيع ان تؤثر فى شئ

ولماذا يبتسم اخى ؟
رايته يرفع الموبيل ليتحدث الى صديقنا الطبيب يحكى له ما حدث وهو يبتسم والدموع فى عينيه

يا حازم الواد العبيط اخويا ضرب شريط فيتامين كامل ومش عارفين نصحيه

انا فى موتى فيتامين ( ا ح ا )
يحضر حازم مسرعا يتخذ الاجراءات اللازمة فى مثل هذه الامور

استيقظ

فيباغتنى حازم بصوت رخيم يخرج من الانف وسباب كاد يفلت من شفته كان من الممكن ان يحزن امى اذا سمعته

يا حسرتاه لقد فشلت فى التخلص من حياتى والتجربه الوحيده والاخيره كانت بشريط فيتامين يا لى من اخرق استحق ان اعيش فى هذه الحياه التى كلما اردت ان اتخلص منها تزدنى قوه .... انتهى
عمرك شوفت واحد ينتحر بشريط فيتامين

****************************************************************************************

سيبكوا بقى من اللى انتوا قريتوه فوق ده واسمعوا النكته ديه ولو قديمه خليك لذيذ واضحك برضه

اليسا وهيفاء وهبي ونانسي عجرم راكبين قطاروبيتكلموا عن فارس أحلامهم

إليسا قالت : نفسي أتجوز ضابط
هيفا قالت :نفسي أتجوز صيني
نانسي قالت :نفسي أتجوز لاعب كرة مشهور

سمعهم واحد دخل عليهم وقالهم معاكوا العقيد شونج يونج الشهير بأبوتريكة