الفرخه الاول ولا البيضه ؟ ومش عايز حد لذيذ يقولى الديك الاول
اللون الرتقانى الاول ولا البرتقال وليه سموه برتقانى مع ان لون المانجه برتقانى ليه بقه هه ما سموهوش منجاوى؟
ليه سوبر مان بيلبس البوكسر فوق الهدوم مش تحت الهدوم ؟ واوعا اسمعك تقولى عشان ماعندوش جيب ورا
لو ركب الانسان كانت ورا كنا هنمشى ازاى؟
ليه ربنا خلقنا بودنين مع اننا لو كان عندنا ودن واحده كنا هنسمع برضه؟
لو كان لينا اربع ودان كنا هنسمع اكتر؟
ولو لينا بوقين كنا هناكل اكتر؟
ليه بنقول فى تحيه العلم تحيا جمهوريه مصر العربيه هى مصر ممكن تموت ولو ماتت كنا هنقول ماتت جمهوريه مصر العربيه؟
ليه فى نسر فى علم مصر ليه ما نحطش فرخه مثلا وليه بتوع حقوق الحيوان ما بيطلبوش بحق الفرخه انها تكون على العلم؟
ليه جمال مبارك عايز يبقى رئيس هو مش لاقى شغل ولا ايه؟
مصر ام الدنيا امال مين ابوا الدنيا ومين اخو الدنيا ولا الدنيا ديه مالهاش اهل يلموها؟
ليه بيقولوا على مصر الاخت الكبرى ليه ما بيقلوش الاخ الاكبر ؟
من اكثر شرا ممدوح اسماعيل اللى قتل الف وثلتميت مصرى فى العباره ولا اسرائيل اللى قتلت 1300 فلسطينى فى غزه وعلى فكره الاتنين اخدو براءه؟
ايه الفرق بين الولد اللى حاطط مكياج والبنت اللى حاطه مكياج مع ان البنت زى الولد ماهيش كماله عدد؟
ليه العيال مسقطه بنطلوناتها؟
ايه رايك فى الاغنيه اللى شغاله فى المدونه ؟ هتقولى مش سامع حاجه هقولك ماهو ده اللى مجننى بقالى شهر عمال اسمع ومش سامع حاجه
24 Responses to “اسئله مجننانى --- اوعا تلسع يا معلم”
اسئلتك مجنناك
ومدونتك هاتجننا
ليه وليه وليه
الحقيقة من حقك تسأل على كل حاجه ليه وليه وليه
واضح ان مفيش حاجه بتعدي كده بالساهل من قدامك وواضح انك كثير التأمل وقوي الملاحظة
وعلى فكرة اللي بتكتبه ده مش جنان مثلاً زي ما حد ممكن يفتكر ابداً
دائماً الفلاسفة والعباقرة والعلماء والفنانين بالذات السرياليين لديهم هذا التأمل وتلك الأسئلة وفي النهاية بيكون في حاجه كبيرة بتتولد بتشع على العالم ده
تحياتي
حسن أرابيسك
ههههههههههههههههههه
حللللللللللللوة يامعلم
اسئله ماعندي اجوبه عليها بس بصرااااااحه
ماشاءالله والله العظيم كنت مدايقه جددددداااا
ولم قريت البست كنت خلاص هموت من الدحك
خصوصا علي الاغنيه اللي هتجننك
تحيــــاتي
اسئلة حلوة أوى
وخصوصا السؤال اللى بيقول
ليه ما نحطش الفرخة مكان النسر
أكيد عشان النسر ده رمز القوة والدقة وبعد النظر
والفرخة رمز الضعف ولو دوست عليها وانت ماشى هتموت فى ساعتها
يمكن
تصدق انا اتجننت معاك
بس احلي سؤال بتاع جمال مبارك
هقولك انا ليه
الاجابه ( رخامه )
حسن باشا ارابيسك
والله يا باشا انا ولا عبقرى ولا فيلسوف ولا حاجه خالص انا شخص مجنون هوبليس عايش وخلاص ومتشكر جدا على كلامك الجميل ده
ايمان روحى
والله انا سعيد فعلا انى قدرت اخليكى تبتسمى وان شاء الله ما فيش حاجه تضايقك فى حياتك ابدا وبالنسبه للاغنيه لو عجبتك اشغلك واحده تانيه احسن منها لو عايزه يعنى
بذره امل
حلو اوى يبقى المفروض نحط الفرخه ولا شايفه ان احنا فى ذروه قوتنا وتقدمنا عشان نحط النسر
صوت من مصر
هههههههههههه
تصدق بالله ان فعلا هو عايز يبقى ريس رخامه عندك حق يا معلم
جميل اوي البوست يافوبيا
عارف ليه عند\نا ودنين مش ودن واحدة عشان تسمع من ودن وتعرف تطلع الكلام من الناحية التانية
وليه عندنا بؤ واحد
لان ساعتها محدش هايعرف يحاسبك على الكدب
كل بؤ كان يرد بدل التاني والله ما قلت مش انا
:D:D:D:D:D
تحياتي
أنا جيت أرد الزيارة
والحقيقة لقيت مدونة جميلة جداً ودمها خفيف ومتميزة
تحياتى
عاشقة الورد
الفرخه الاول ولا البيضه ؟ ومش عايز حد لذيذ يقولى الديك الاول
الفرخة (:
^^^^
اللون الرتقانى الاول ولا البرتقال وليه سموه برتقانى مع ان لون المانجه برتقانى ليه بقه هه ما سموهوش منجاوى؟
لون المانجو ماهوش برتقالى صافى ولا اصفر صافى بردو و اوقات بتكون اخضر و بردو مش صافى
وعلى فكرة فى لون اسمه بالفعل مانجاوى لانه يشبه لون المانجو (:
^^^^
ليه سوبر مان بيلبس البوكسر فوق الهدوم مش تحت الهدوم ؟ واوعا اسمعك تقولى عشان ماعندوش جيب ورا
لان اللى صمم اللبس عايز كده (:
^^^^^
لو ركب الانسان كانت ورا كنا هنمشى ازاى؟
اكيد لو كانت ورا كنت هتعرف (:
^^^^^
ليه ربنا خلقنا بودنين مع اننا لو كان عندنا ودن واحده كنا هنسمع برضه؟
لو كان لينا اربع ودان كنا هنسمع اكتر؟
ولو لينا بوقين كنا هناكل اكتر؟
البعض قال ان الحكمه من كده اننا نسمع اكتر مانتكلم
بس اكيد ده ليه تفسير علمى . لو عرفته هبقى ارجع اقولك (:
^^^^^^^
ليه بنقول فى تحيه العلم تحيا جمهوريه مصر العربيه هى مصر ممكن تموت ولو ماتت كنا هنقول ماتت جمهوريه مصر العربيه؟
ممكن تحتل مش تموت .. علشان كده بنقول تحيا يعنى تعيش حره مستقله (:
^^^^^
ليه فى نسر فى علم مصر ليه ما نحطش فرخه مثلا وليه بتوع حقوق الحيوان ما بيطلبوش بحق الفرخه انها تكون على العلم؟
اولا حقوق الحيوان مالهومش حق انهم يتكلموا فى ده لان اختيار النسر مافهوش اى ضرر على باقى الحيونات
اما بقى ليه النسر على تفسير الناس بتوع التعليم قالوا انه نسر صلاح الدين الايوبى و ان ده معناه ان مصر عربيه اصيله
(مع انى كنت افضل انه يكون صقر لان النسر مظهر على الفاااضى)
^^^^
ليه جمال مبارك عايز يبقى رئيس هو مش لاقى شغل ولا ايه؟
اللى متعود انه يأمر من الصعب انه يقبل يتأمر
المسأله ملهاش دعوة بالشغل (:
^^^^
مصر ام الدنيا امال مين ابوا الدنيا ومين اخو الدنيا ولا الدنيا ديه مالهاش اهل يلموها؟
تعرف انى كنت كاتبه قبل كده فى احدى المنتديات عن الموضوع ده
بس لو قولنا بالاستنتاج علشان مصر معروف عنها العطاء و الطيبه بسبب اهلها
و الحاجتين دول دايما بيكونوا فى الام (:
^^^^^^
ليه بيقولوا على مصر الاخت الكبرى ليه ما بيقلوش الاخ الاكبر ؟
تانى لانها مؤنث و الام دايما بتكون اخت عمرها ماتقلب اخ ابدااااا
^^^^^
من اكثر شرا ممدوح اسماعيل اللى قتل الف وثلتميت مصرى فى العباره ولا اسرائيل اللى قتلت 1300 فلسطينى فى غزه وعلى فكره الاتنين اخدو براءه؟
ممدوح اسماعيل طبعااااااااااااااااااااااا
^^^^^^
ايه الفرق بين الولد اللى حاطط مكياج والبنت اللى حاطه مكياج مع ان البنت زى الولد ماهيش كماله عدد؟
مين قال ان وقتها بيكون فى فرق بين الاتنين ((:
^^^^^
ليه العيال مسقطه بنطلوناتها؟
اتباع اعمى لموضه الغرب (:
^^^^^
ايه رايك فى الاغنيه اللى شغاله فى المدونه ؟ هتقولى مش سامع حاجه هقولك ماهو ده اللى مجننى بقالى شهر عمال اسمع ومش سامع حاجه
علشان نسيت تحط الميديا اصلا فى المدونة (:
^^^^^
ارجوا اكون جاوبت على الحاجات اللى مجنناك و ياريت بقى تبطل اسئله علشان انا اللى متجننش
(:
عم رينيه ديكارت بيقول
أنا أشك إذا أنا موجود
وواضح إنك موجود جدااا :)
تحياتي
وليد
أضحك أنا ولا أعيط ولا أعمل ايه ؟
هههههههههههههه هوة الكلمات ظاهرها يضحك بس لما تدقق هتلاقيها تساؤلات كتيييرة وكبيرة بس عجبتنى جدا إجابات سويت اقراها كويس :)
صناع الحياة يتأملون الحياة ولذا يصنعونها أما اللى عايشين كده وخلاص بيعدى قدامهم كتييير قوى وهما محلك سر
ربنا ينفعك بتأملاتك وتتطور للأفضل
أول كعبلة فى المدونةالروعة دى بس معتقدش تكون الأخيرة :) تقبل مرورى وربنا يكرمك ويسعدك ودمت بخير
فكرة من الزمن ده
والله عندك حق اى كلام نسمعه نروح مفوتينه من الناحيه التانيه ونعمل اللى فى دماغنا هو ده الصح الصح بس اختلف معاكى فى حكاية البؤ التانى اعتقد ان احنا لو كان عندنا بؤين كنا هنكدب اكتر
وتحياتى ليكى يا عسوله
صدى الصمت
اسمك جميل وشكرا على الزياره بس مش كنتى تجيبى معاكى كيلو بسبوسه ولا اتنين كيلو برتقان مستنى الزياره المره اللى جايه ومعاكى البسبوسه
Sweet Violet
هههههههههههههههههههههههههههههههههههههههههههههههههههههههههههههههه
والله ردك ده ينفع بوست
الفرخة :)
ليه بقا اشمعنى تكون انثى مش ممكن يكون الديك الاول فعلا ولا هو عنصريه وخلاص
****************************
لون المانجو ماهوش برتقالى صافى ولا اصفر صافى بردو و اوقات بتكون اخضر و بردو مش صافى
وعلى فكرة فى لون اسمه بالفعل مانجاوى لانه يشبه لون المانجو
ماشى كلامك مع انى بحب المانجه اكتر بس ما جاوبتنيش البرتقان الاول ولا البرتقانى
***********************************لان اللى صمم اللبس عايز كده *
هو اى مصمم عايز حاجه يقوم سوبر مان يعملها امال سوبر مان ازاى وبعدين لون البوكسر بتاعه مش حلو كمان
********************************
مصر ممكن تحتل مش تموت .. علشان كده بنقول تحيا يعنى تعيش حره مستقله
مصر ماتت من زمان يا سويت وكلامى ده بجد مش هزار
*****************************
اولا حقوق الحيوان مالهومش حق انهم يتكلموا فى ده لان اختيار النسر مافهوش اى ضرر على باقى الحيونات
اما بقى ليه النسر على تفسير الناس بتوع التعليم قالوا انه نسر صلاح الدين الايوبى و ان ده معناه ان مصر عربيه اصيله
(مع انى كنت افضل انه يكون صقر لان النسر مظهر على الفاااضى)
انا راى ان زمان كان ينفع نحط نسر صلاح الدين او صقر قريش لكن دلوقتى لازم نحط فرخه او عصفوره حسب احوال البلد والدنيا بتطور برضه
***************************
اللى متعود انه يأمر من الصعب انه يقبل يتأمر
المسأله ملهاش دعوة بالشغل (:
يا سويت انا اعتقد انها رخامه زى ما قال صوت من مصر
*************************
تعرف انى كنت كاتبه قبل كده فى احدى المنتديات عن الموضوع ده
بس لو قولنا بالاستنتاج علشان مصر معروف عنها العطاء و الطيبه بسبب اهلها
و الحاجتين دول دايما بيكونوا فى الام
فين العطاء ده والطيبه ايام الحرب على غزة يا سويت مصر بقت من المعتدلين شوفتى انا وانتى وكلنا من المعتدلين
عارفه مش عارف ليه
الله يكرمك يا باشا انا فعلا موجود
خديجه عبدالله
اسمك جميل اوى يا خديجه
وفعلا شر البليه ما يضحك وسويت فعلا ردودها عسل زيها وربنا يخليكى على كلامك الرقيق ده
صباح الخير
بجد اوعا تلسع يا عم بس من الضحك
انت بجد قمة بخفة الدم
وانا اولا حأبدي اعجابي بأغنية الصمت الرهيب واقولك لم اجد اجمل منها وبسمعها كل يوم وكل ساعة
بص انا حكبر دماغي اوووي ال يعني واجاوب طبعا انا انجل يعني مش حيصعب علي:))
البيضة ولا الفرخه انا استخرت ربنا وهو قريبا حيبعتلي يخبرني ولايهمك
البرتقال تسمى على لونو لان البرتقال عصامي اما المانجا مدلعة اوي بتحب تاخد شكل غير ولون غير مع ان اغلب المانجا صفرا
اما عن الحج سوبر مان فليه موضتو الخاصة لوسمحت ومحدش يقول لسوبر مان ليه
لو ركب الانسان كانت ورا كنا حنكون نظام بط واااك واااك
ربنا خلقنا بودنين عشان نسمع الاغنية الي انت حاطتها يا فهيم
لوكان لينا اربع ودان كنا حنسمع السي دي كلو بتاعك
لو لينا بوقين اكيد حدش حيتردد وياكلك بسنانو على الاسئلة دي
ليه بنقول على تحية العلم تحيا مصر لا ده برتكول وبرستيج سيبك انت من السياسة
النسر بعلم مصر ده مش من اختصاصي اسال الي صممو يمكن كان منفعل وليه مش فرخه هي الفرخه منظر بردو وبتوع حقوق الحيوان هم عاوزين يفتحولنا حديقة باعلام الدول
ليه جمال مبارك عاوز يبقى رئيس اممممم الراجل بحب السلطة و الحركات دول معلش مش حنخليها بنفسو:))
مصر ام الدنيا في عيون البعض لكن انا لا اراها كذلك وهي مالها اهل لموها ه مالهاش فعلا مقطوعه من شوجيرة يابني
ليه بيقولو عن مصر الاخت الكبرى لانها انثى ايه مش شايف انوثتها ولا اييييه
ممدوح اسماعيل واسرائيل ولاد خالات مش حنختلف على الجينات وطبعا براءة همعملو حاجة...هااا لاماعملوش ابدا الي مات مات لوحد لله في الله:))
المكياج حرية شخصية الولد حط ولا البنت كلو واحد الايام وطبعا البنت مش كمالة عدد هي العدد كلو
وليه العيال مسقطة بنطالوناتها برستييييج يابني بس مش عارفة فين البرستيج بالموضوع
اكيدالبروفيسورة أنجل اقنعتكم هااااا يلا سمعوني انكم اقتنعتو
بس بجد بعد خفة دمك مافيش يا فوبيا
خفة دم طبيعي ولا اصطناعي ده الي مش لاقيالو جواب :)) هههههههههههه
سلام
angel
هههههههههههههههههههههههههه
والله انتى اللى عسل بجد
البيضة ولا الفرخه انا استخرت ربنا وهو قريبا حيبعتلي يخبرني ولايهمك
انا شايف الحل ان
احنا المفروض نسال صحاب الشان فى هذا الموضوع الازلى الا وهما الفراخ او نجيب بيضه ونسالها ويمكن تجاوب ولا ايه
******************************
شوفتى بقى اديكى قولتى ان البرتقان عصامى ليه بقه ما سموهوش عصامى وسموه برتقال
*************************
لو ركب الانسان كانت ورا كنا حنكون نظام بط واااك واااك
اه تصدقى بس كان نفسى اعرف السراير كانت هتتعمل ازاى والكراسى كانت هتبقى شكلها ايه ودواسه البنزين اللى فى العربيه كانت هتبقى فين فى العربيه
*****************************
ربنا خلقنا بودنين عشان نسمع الاغنية الي انت حاطتها يا فهيم
لوكان لينا اربع ودان كنا حنسمع السي دي كلو بتاعك
لو لينا بوقين اكيد حدش حيتردد وياكلك بسنانو على الاسئلة دي
ههههههههههههههههههههههههههههههههههههههههههههههههههههههههههههههههههههه
...................................
النسر بعلم مصر ده مش من اختصاصي اسال الي صممو يمكن كان منفعل وليه مش فرخه هي الفرخه منظر بردو وبتوع حقوق الحيوان هم عاوزين يفتحولنا حديقة باعلام الدول
طيب اكلمك بجد فى الموضوع ده اولا فيه نسر وصقر بيتحطوا على العلم نسر صلاح الدين وصقر قريش مع احترامى للشخصيتين اللى بيمثلهم الصقور من ناحيه والنسور من ناحيه لكن الشخصيتين مش مصريين احنا عايزين حاجه تمثل الشعب المصرى العريق وبما ان انفلونزا الطيور اصبحت من الامراض المتوطنه فى مصر وان السبب الرئيسى لانتشارها هو الفراخ فاعتقد ان ان الاوان ان الفراخ او البيض لازم ياخدو حقهم وتتربع على علم مصر ولازم تكون فارخه بلدى مش فرخه بيضه
ومن هنا اقدر اقولك ساعتها ممكن نسال العلم بتاع مصر مين الاول الفرخه ولا البيضه وممكن ساعتها النسر يجاوبك ويقولك ان اللى بنى عشه الفراخ كان فى الاصل بيضه
**********************************
ليه جمال مبارك عاوز يبقى رئيس اممممم الراجل بحب السلطة و الحركات دول معلش مش حنخليها بنفسو:))
لا وليه نخلى حاجه فى نفسو لا نفسو تغم عليه ويرجع علينا لا لا خليه ياخد اللى هو عايزه
************************
مصر ام الدنيا في عيون البعض لكن انا لا اراها كذلك وهي مالها اهل لموها ه مالهاش فعلا مقطوعه من شوجيرة يابني
ليه مش شيفاها كده مش شايفه عيالها متنطورين حواليها ازاى بصى كده هتلاقى ولادها حواليها ليبيا والواد الاسمر المحروق السودان والسعوديه الشقيقه مش عارف مصر ام الدنيا وشقيقه ازاى للسعوديه تقريبا كان ابو الدنيا راجل لامؤاخذه
******************************
ممدوح اسماعيل واسرائيل ولاد خالات مش حنختلف على الجينات وطبعا براءة همعملو حاجة...هااا لاماعملوش ابدا الي مات مات لوحد لله في الله:))
اه فعلا ولاد كلب اقصد ولاد خالات
***********************************المكياج حرية شخصية الولد حط ولا البنت كلو واحد الايام وطبعا البنت مش كمالة عدد هي العدد كلو
حريه فعلا بس اعتقد ان الواد اللى يحط مكياج يبقى .......
عبيط
******************************
وليه العيال مسقطة بنطالوناتها برستييييج يابني بس مش عارفة فين البرستيج بالموضوع
لا يا انجل هما مسقطين بنطالوناتهم عشان يبينو البوكسر ويبقو زى سوبر مان اللى لابس البوكسر على البنطلون من بره ولاحظى ان كل العيال ضاربه حقن ديكا ديه حقن بتخلى العضلات تتنفخ زى البالونه بس على الفاضى ومبينين البوكسر الملون ولو كان بافته ابيض زى زمان ما كناش هنشوف حد مدلدل بنطلونه ولا شوفنا بوكسر سوبر مان تخيلى كده لو بوكسر سوبر مان من بتوع زمان الابيض ابو فتحه على جنب
هههههههه اسئلة جميلة جدا يامعلم
هههههههههههههههههههههههههههههههه
حلوه اوي :d
بس على فكره في اسئلة ليها اجابات بجد :d
إرسال تعليق